Púttmótaröð unglingaráðs, mót nr. 3

Keppt er í þremur flokkum, yngri en 19 ára, 19 ára og eldri karla- og kvennaflokki. 6 bestu af 8 mótum gilda til stigameistara. Verðlaun fyrir 3 efstu sætin í hvorum flokki í lok mótaraðar, einnig ætlum við að bæta við verðlaunum fyrir efsta sæti í hverju móti fyrir sig.  Opið er frá kl. 10.00 en keppni hefst kl. 11.00 – 14.00, lengur ef þurfa þykir. 

Verð 1.000 kr. í eldri flokknum og kr. 500 í þeim yngri.

Úrslit í Púttmótaröð nr. 2

Í karlaflokki sigraði Þorvaldur Jónsson á 27 púttum en Anna Einars í kvennaflokki á 34 púttum. Í unglingaflokki sigraði Daníel Hafsteinsson á 31 pútti en hann ásamt tveimur öðrum var á því skori, en með betri seinni 9. ´

Staðan í mótaröðinni er hér til vinstri undir heitinu Púttmótaröð.

Úrslit í púttmótaröðinni

Hér til vinstri er kominn tengill á úrslit úr púttmótaröðinni.

Fyrstu sigurvegarar eru Kristján Benedikt í unglingaflokki, Auður Dúa í kvennaflokki og Þórir Þórisson í karlaflokki. Báðir sigurvegarar í eldri flokkum urðu jafnir öðrum og þurfti að telja til baka hver yrði efstur.

Púttmótaröð unglingaráðs

Eins og undanfarin ár (nema í fyrra) þá höfum við verið með mjög skemmtilega púttmótaroð í inniaðstöðunni og hefur innkoman farið til að efla unglingastarfið í klúbbnum á einn eða annan hátt. Mjög góð þátttaka hefur verið í þessum mótum og mikil stemming skapast um það hver verður stigahæstur – keppt er í tveim flokkum 18 ára og yngri og 19 ára og eldri. 6 bestu af 8 mótum gilda til stigameistara. Verðlaun fyrir 3 efstu sætin í hvorum flokki.  

Fyrsta mótið er núna á sunnudaginn – Opið er frá kl. 10.00 – keppni hefst kl. 11.00 – 14.00, lengur ef þurfa þykir.

Verð 1.000 kr. í eldri flokknum og kr. 500 í þeim yngri.

Gamlársdagspúttmót

Púttmót laugardaginn 31. desember – Gamlársdag

Mun ágóði af þessum mótum renna til unglingastarfs GA.
Mæta má hvenær sem er frá kl. 11.00 - 14.00 síðustu keppendur byrji ekki seinna en kl. 14.00. Veitt verða verðlaun í karla, kvenna og unglingaflokki 16 ára og yngri.  Kylfingur getur einungis unnið ein fyrstu verðlaun. Sérstök verðlaun fyrir flesta ása. Verðlaunaafhending strax að móti loknu um kl. 14.00.

Hver keppandi spilar 2 x 18 holur og skilar inn betri hring. Mótsgjald kr. 1.000.-, kr. 500.- fyrir 18 ára og yngri (ekki hægt að greiða með korti).

 

Samherjastyrkur til GA

Unglingastarf Golfklúbbs Akureyrar fékk styrk að upphæð 600.000. kr. frá Samherja en útdeilt var 75 milljónum á Eyjafjarðasvæðinu í gær, 28. desember, í formi styrkja.

Fyrir hönd allra barna – og unglinga í Golfklúbbi Akureyrar sendum við okkar bestu þakkir til Samherja.

Jólakveðja

Unglingaráð óskar öllum kylfingum

Gleðilegrar jólahátíðar og farsældar

á komandi ári

Opnunartími Golfhallarinnar um hátíðirnar

Opið verður sem hér segir í Golfhöllinni

19. - 22. desember er opið frá kl 12.00 - 21.00

23. desember er opið frá kl 12.00 - 17.00

Lokað verður 24. 25. og 26. desember

27. - 29. desember er opið frá kl. 12.00 - 21.00

30. desember er opið frá kl. 12.00 - 17.00

Lokað verður 31. desember og 1. janúar.

Hvetjum alla til að mæta og æfa sig yfir hátíðarnar.

Tiger vinsælastur

Tiger er vinsælastur kylfinga af þeim sem kusu hér á síðunni en hann hlaut rúmlega 30% atkvæða. Jafnir í 2. sæti voru mjög svo álikir spilarar, þeir Rory og Óli Gylfa en þeir fengu 11,5%. Reyndar fékk ritstjóri fréttir af því frá fréttaritara síðunar á Írlandi að Rory hafi gengið á milli tölva að kjósa sjálfan sig, sem skýrir hvernig hann náði jöfnu við hinn goðsagnakennda hr. Gylfason.

Ný könnun er komin hér til hliðar.

Jólafrí

Síðasta æfing fyrir jól verður þriðjudaginn 20. desember í Boganum. Æfingar hefjast svo aftur fimmtudaginn 5. janúar. Unglingarráð GA og þjálfari óska öllum iðkendum gleðilegra jóla og gæfuríks komandi golfárs.