Sveitakeppni unglinga - Þorlákshöfn, fimmtudagur 19. ágúst 2010

Örstutt fréttauppfærsla frá okkur GA mönnum hér í Sveitakeppni 15 ára og yngri á Þorlákshöfn.

Við héldum af stað í morgun um 8:30, eftir smá kerru vandræði, þar sem kerran sem átti upprunalega að flytja varninginn reyndist vægast sagt of lítil og hefði líklega ekki tekið helminginn af því sem þurfti. Málið var snaggaralega leyst þar sem Óli golfkennari lánaði vinnubílinn sinn og þangað var hægt að skella 600 kílóum af golfdóti án vandræða og svo var brunað af stað.

 Við renndum í Mosfellsbæ og þar var Kentökkískum kjúkling gerð góð skil að hætti golfara og þaðan lá leiðin beint á Þorlákshöfn þar sem æfingahringur var spilaður. Á kjúklingastaðnum skildu leiðir við eldri sveitina/stelpurnar, þar sem þau keppa á Suðurnesjum, en við hér á Þorláksvelli í Þorlákshöfn.

Æfingahringurinn var spilaður í algeru blíðskaparveðri, 17 gráður og sól. Strákarnir tóku út völlinn og stúderuðu fyrir morgundaginn. Flatir og brautir eru frábærar og þeim líst mjög vel á völlinn og hlakka til að glíma við hann á morgun, en þá verða spilaðar 18 holur í höggleik. 4 leikmenn eru í hverri sveit og gildir skor hjá 3 bestu.

Eftir æfingahringinn, um 21:30, var farið eftir á hinn sívinsæla veitingastað "Svarti sauðurinn" hér í Þorlákshöfn þar sem biðu okkar pizzur og ropvatn af bestu gerð og óhætt að segja að þessar kræsingar hafi runnið vel niður í svangan úlfahópinn.

Síðan var haldið á Stokkseyri á hið margrómaða gistiheimili "Kvöldstjarnan" þar sem hópurinn kom sér fyrir og sofnaði svefni hinna réttlátu.

Það er ræs hjá A-sveit kl. 6:45 og 8:15 hjá B-sveit þannig að morgundagurinn verður tekinn snemma.

Við látum fylgja með nokkrar myndir frá deginum í dag hér á facebook (Facebook aðgangur er nauðsynlegur til að geta séð myndirnar). 

Smelltu hér til að sjá myndir frá fimmtudeginum

Kveðja

Fararstjórar

Fundur vegna væntanlegra sveitakeppna um næstu helgi

Foreldrar þeirra sem eru að fara í sveitakeppni um næstu helgi í Þorlákshöfn og í Keflavík eru beðnir um að mæta á fund á Jaðri kl. 20.00 þriðjudaginn 17. ágúst. Áríðandi að allir mæti.

Kveðja

 

Óli og unglingaráð

Liðskipan fyrir sveitakeppni unglinga

GA sendir A og B sveit í 15 ára og yngri drengja, þeir spila í Þorlákshöfn

16-18 ára stúlkur og sameiginleg drengjasveit 16-18 ára GA, GH og GSS

Þau spila á Suðurnesjum hjá GS

15 ára og yngri 

A sveit: 

Ævarr Freyr Birgisson 

Tumi Hrafn Kúld 

Óskar Jóel 

Eyþór Hrafnar Ketilsson 

Kristján Benedikt Sveinsson 

 B sveit: 

Stefán Sigmundsson 

Fannar Már Jóhannsson 

Kjartan Ísleifsson 

Víðir Steinar Tómasson 

Aðalsteinn Leifsson 

 16-18 ára 

Strákar: 

Björn Auðunn GA 

Finnur Heimisson GA 

Halldór GÓ 

Benedikt GH 

Ingvi GSS 

 Stúlkur: 

Stefanía Elsa  

Stefanía Kristín 

Guðrún Karítas 

Áslaug Þóra 

Brynja GÓ 

Æfingar falla niður vegna sveitakeppna:

Nú um helgina og einnig um næstu helgi eru sveitakeppnir í mörgum flokkum. Þar sem Óli verður með sínum liðum falla æfingar niður á fimmtudag og föstudag, bæði núna og í næstu viku

Evrópa vann þetta árið

Nú er lokið Ryder keppni unglinga með sigri Evrópu. Úrslit urðu eftirfarandi (feitletrað sigurvegarar):

Fouresome:

          Evrópa                                           USA

Stefán Einar - Stefán Fannar      3/2 Þorgeir - Sævar Helgi
   
Guðrún Karitas - Stefanía Elsa   4/2 Viktor - Jón Heiðar
   
Fannar Már - Víðir Steinar          1/0 Stefanía Kristín - Áslaug Þóra
   
Kristján Benedikt - Óskar Jóel       2/1 Tumi - Eyþór
   
Björn Auðunn - Kjartan                 3/2 Ævarr - Finnur
   
   

Singles:

Evrópa                       USA    
   
Stefán Einar           2/1 Þorgeir
   
Stefán Fannar       5/3 Sævar Helgi
   
Guðrún Karitas      1/0 Viktor Ingi
   
Stefanía Elsa         1/0 Jón Heiðar
   
Fannar Már            1/0 Áslaug Þóra
   
Víðir Steinar AS       AS Stefanía Kristín
  
Kristján Benedikt  3/2 Eyþór
    
Óskar Jóel             3/2  Tumi
   
Kjartan                   3/2 Finnur
   
Björn Auðunn         4/3 Ævarr
 

  10,5                           4,5 

 

Ryderinn að verða klár

Evrópa: Björn Auðunn, Kjartan, Óskar, Kristján, Fannar, Víðir Steinar, Stefanía Elsa, Guðrún, Stefán Einar og Stefán Fannar.

USA: Ævarr, Finnur, Tumi, Eyþór, Stefanía Kristín, Áslaug, Jón Heiðar, Viktor Ingi, Þorgeir og Sævar Helgi.

Mæting á miðvikudaginn, ekki seinna en 08:10. Rástímar birtist á golf.is undir rástímatöflu GA á morgun, þriðjudag, og þá sjáið þið hverjir mætast.

Æfingaferð fyrir sveitakeppni á Húsavík þriðjudaginn 10. ágúst

 Óli er búinn að láta þau vita sem eiga kost á að fara.

Lagt verður af stað kl. 7.30 frá Jaðri ( gott að mæta aðeins fyrr ) Þeir sem eru ekki með far með sínu foreldri borga þeim bílstjóra sem þeir fara með kr. 1200 ( sama gjald og þegar farið er í fótboltaferðir )

Gott að taka með sér nesti fyrir daginn og eitthvað að drekka. Ekki gleyma vatnsbrúsa

Reiknum með að það verði hægt að kaupa sér eitthvað í sjoppunni í skálanum á Húsavík.

Þeir foreldrar sem hugsanlega gætu keyrt eru beðnir að taka aukafarþega eftir því sem þörf verður á.

Ryder skráning að renna út

8 drengir hafa skráð sig: Björn Auðunn, Fannar, Jón Heiðar, Kristján, Stefán, Tumi, Viðir, Ævarr. Enginn möguleiki er að skrá sig eftir mánudaginn kl. 12:00. Ástæðan er að við getum bara verið með 8, 12, 16, o.s.frv. Þar sem 4 verða að vera í holli. Strax kl. 12:00 verður farið í það að finna auka spilara ef fylla þarf í holl. Þegar því er lokið komast engir iðkenndur inn í mótið sama hvaða afsökun er fyrir hendi.

Þetta er fyrir alla sem eru á unglingastiginu, stúlkur og drengi (18 ára og yngri) og eru með 29,9 eða lægra í forgjöf. Spilað verður foursome fyrri 9 og svo holukeppni seinni 9. Dæmi: Fannar, Jón Heiðar, Kristján, Stefán, saman í holli. Fyrri 9 gætu Jón Heiðar og Kristján verið saman í liði (Evrópa) á móti Fannari og Stefáni (Ameríka). Liðið slær einum bolta til skiptis.  T.d. Fannar Upphafshögg, Stefán högg nr. 2, Fannar 3ja högg o.s.frv. Seinni 9 gætu Fannar spilað holukeppni gegn Jóni Heiðari og Kristjan gegn Stefáni. Þannig vinna hver og einn inn stig fyrir sitt lið. Tek það fram að þetta er eingöngu dæmi hér að ofan með liðskipanina, þetta eru ekki endilega þeir sem mæta hvorum öðrum. Þetta er sem sagt ástæðan að ekki er hægt að skrá sig eftir kl. 12:00 á mánudaginn.

Ryder cup (Akureyri)

Þá er að renna upp hin magnþrungna Ryder keppni. Í fyrra sigraði lið Bandaríkjana með minnsta mun eftir að hafa verið undir áður en tvö síðustu hollin komu inn. Mótið verður haldið miðvikudaginn 11. ágúst og er ræst frá kl. 09:00. Farnar eru 18 holur, frekari fyrirkomulag er auglýst síðar.

Þeir sem eru komnir niður fyrir forgjöf 29,9 geta skráð sig á [e-mail] og gefa upp fullt nafn og forgjöf. Skráning þarf að hafa borist fyrir kl. 12:00 mánudaginn 9. ágúst.  EKKI er hægt að skrá sig eftir þann tíma þar sem uppröðun liða verður gerð strax í kjölfarið. Rástímar og hverjir mæta hverjum verður svo komið inn á síðuna seinna um daginn eða kvöldið.

Þeir sem ekki til þekkja þá skiptum við þeim sem skrá sig í tvo hópa, annars vegar Evrópa og hins vegar USA.

Golfmót fyrir byrjendur og þá sem eru með 30 eða meira í forgjöf

Miðvikudaginn 4. ágúst verður golfmót fyrir byrjendur og þá sem eru með meira en 30 í forgjöf.

Það þarf að skrá sig á lista á skrifstofunni. Mæting hjá öllum kl. 7.50 á miðvikudagsmorgun og ræst verður út frá kl. 8.00. Foreldrar velkomnir að rölta með.

Kveðja Óli