Æfingar næstu viku:

Á þriðjudag, miðvikudag og fimmtudag verða sveifluæfingar á Jaðri.

Stelpuæfing verður kl. 16 - 17

Strákarnir geta valið um að koma annaðhvort

kl 15 - 16 eða kl. 17 - 18

 

Hugsanlega verður völlurinn  okkar opnaður í vikunni.

Ný æfingatafla kemur svo þegar að skólum verður slitið

 

Óli

Fyrsta mót í GSÍ stigamótaröðinni

Fyrsta mótið í Arionbanka mótaröð unglinga  var á Strandavelli Hellu núna um helgina. Því lauk um hádegi á sunnudag með fremur óvæntum hætti vegna atburða við Grímsvötn. Um kl 13:30 tók mótstjórn ákvörðun um að fresta leik til kl 14:30 vegna öskufoks. Mótstjórn hafði í framhaldinu samband í sýslumanninn á Hvolsvelli sem mælti með því að mótinu yrði frestað sem var gert.

Kylfingar í flokkum stráka 14 ára og yngri og drengja 15-16 ára náðu að klára seinni hringinn en þeir voru ræstir út snemma á sunnudag. Úrslit úr þessum flokkum réðust því á 36 holum eins og til stóð. Í öðrum flokkum náðist ekki að klára seinni hringinn þannig að niðurstaðan frá því á laugardag var látin standa.

Tumi Hrafn Kúld varð í 11. sæti í sínum flokki stráka 14 ára og yngri spilaði á 176 höggum og Kristján Benedikt Sveinson varð í 16 sæti á 179 höggum. Ævarr Freyr Birgisson varð í 13. sæti í sínum flokki drengja 15-16 ára, hann spilaði á 172 höggum. 

Mjög hvasst og kalt var báða dagana og keppendur nudduðu augun vegna öskufoks seinni daginn. Það segir sitt um kuldann að Ævarr spilaði í peysu og jakka báða dagana :)

 

Frábært hjá strákunum !

Æfingar þessa viku

Á þriðjudag verður sveifluæfing á Jaðri.

Stelpuæfing verður kl. 16 - 17

Strákarnir geta valið um að koma annaðhvort

kl 15 - 16 eða kl. 17 - 18

Það spáir miklum kulda og jafnvel frosti framundan

þannig að á miðvikudag

færum við æfingar í golfhöllina og gamla

æfingataflan tekur gildi. ( sjá hér til hliðar )

Það verður þannig þar til völlurinn okkar opnar en

við látum vita þegar að eitthvað breytist

 

Óli

Vegna GSÍ mótaraðar

Klúbburinn okkar og unglingaráð hafa undanfarin ár reynt að styðja við þá ungu kylfinga sem hafa tekið þátt í GSÍ mótaröðinni með ferðastyrkjum. Í sumar verður styrkurinn með þeim hætti að þeir kylfingar sem fara á mótin, greiða keppnisgjald og fá nótu fyrir þeim. Við heimkomu afhenda þeir Höllu Sif kvittunina og fá þá endurgreitt keppnisgjald auk 10.000 kr. ferðastyrks fyrir hvert mót.

Í júní þegar að þriðja mótið fer fram hér á Akureyri verður eingöngu greitt keppnisgjald en ekki ferðastyrkur.

Unglingaráð

áframhaldandi æfingar á Þverá þessa viku

Æfingar á Þverá þessa viku verða eins og í síðustu

viku þ.e.

Á þriðjudag, miðvikudag og fimmtudag verður opinn

æfingatími  kl. 14.30 - 16.00 og frá 16.30 - 18.00.

Óli verður á staðnum og segir ykkur til.

Þeir sem vilja geta svo spilað hring á eftir eða á undan og það kostar þá 500.kr

Hvetjum alla krakka til að koma og taka þátt í

vinnudegi GA á laugardaginn 14. maí kl. 9-14 og

leggja sitt af mörkum :)

 

þjálfari og unglingaráð

Æfingar á Þverá 3. - 5. maí

Í þessari viku verður boðið upp á æfingar á Þverá.

Á þriðjudag, miðvikudag og fimmtudag verður opinn

æfingatími  kl. 14.30 - 16.00 og frá 16.30 - 18.00.

Óli verður á staðnum og segir ykkur til.

Þeir sem vilja geta svo spilað hring á eftir eða á undan og það kostar þá 500.kr

Úrslit í púttmóti 2

Í flokki 12 ára og yngri:

                Lárus Ingi Antonsson með 29

 

Í flokki 13-18 ára:

                Ævarr Freyr og Björn Auðunn voru jafnir með 27

                en Björn Auðunn vann eftir að skorkortin

                voru           borin  saman.

                Kjartan með 28

 

Í fullorðinsflokki 

                Ólafur Gylfa með 28

                Anton Þorsteinss með 30

                Anna Einars og Hallur Guðmundss, bæði með 31