Einhverf stúlka sigraði í sínu fyrsta golfmóti..

Hans Guðmundsson skrifar þann 05.07 2010 - frá iGolf

 

Stefanía Daney Guðmundsdóttir GA, sem er 12 ára gömul, sigraði á Nýprent Open, sem er hluti af Norðurlandsmótaröðinni í byrjendaflokki stúlkna. Það mun kannski ekki alltaf þykja mikil frétt að 12 ára stúlka sigri á byrjendamóti, nema hvað Stefanía Daney er greind með ódæmigerða einhverfu og er að auki blind á hægra auga.

Og það er ekki búið. Hún fékk áhuga á golfi í síðustu viku og var í fyrsta skipti á golfvelli þegar hún var að leika á mótinu. Þá gerði hún sér lítið fyrir og fékk fugl á annarri braut, sem sagt annarri brautinni sem hún hafði þá aldrei nokkru sinnum leikið. Hún vippaði í holu fyrir utan flöt. Hún fékk að auki eitt par í mótinu.

Hún lék á 54 höggum, en leiknar voru 9 holur og verður það að teljast frábært skor af svo ungri stúlku. Í dag er hún á leið í Meistaramótið hjá GA.

iGolf óskar henni til hamingju með sigurinn á Sauðárkróki og góðs gengis á Meistaramótinu.

Vil taka það fram að hún Stefanía Daney byrjaði að fara á golfæfingar síðasta sumar en hefur ekki stundað þær reglulega, hins vegar þá ákvað hún í síðustu viku að stunda golfið af krafti og er dugleg að æfa núna en Óli Gylfa hefur greinilega komið einhverjum töfra-orðum inn í hausinn á henni sem fékk hana á einum klukkutíma til að hugsa ekki um annað en golf. 

Nýprent Open (Norðurlandsmótaröð unglinga)

Nýprent Open var haldið á Sauðárkrók í gær, sunnudaginn 4. júlí, og eins og svo oft áður átti Golfklúbbur Akureyrar marga efnilega kylfinga þar.

Þeir GA krakkar sem voru í verðlaunasæti voru:

Stefanía Kristín Valgeirsdóttir, 2. sæti í hópi stúlkna 17 - 18 ára.

Björn Auðunn Ólafsson, 2. sæti í hópi drengja 15 - 16 ára.

Guðrún Karítas Finnsdóttir, 2. sæti í hópi stúlkna 14 ára og yngri.

Stefanía Elsa Jónsdóttir, 3. sæti í hópi stúlkna 14 ára og yngri.

Ævarr Freyr Birgisson, 2. sæti í hópi drengja 14 ára og yngri.

Kristján Benedikt Sveinsson, 3. sæti í hópi drengja 14 ára og yngri.

Jón Heiðar Sigurðsson, 1. sæti í hópi drengja 12 ára og yngri.

Sævar Helgi Víðisson, 2. sæti í hópi drengja 12 ára og yngri.

Stefanía Daney Guðmundsdóttir, 1. sæti í byrjendaflokki stúlkna.

Sigrún Kjartansdóttir, 3. sæti í byrjendaflokki stúlkna.

Jóhann Þór Auðunsson, 1. sæti í byrjendaflokki drengja.

Anton Darri Pálmason, 2. sæti í byrjendaflokki drengja.

Ómar Logi Kárason, 3. sæti í byrjendaflokki drengja.

Held að það sé óhætt að þakka öllum foreldrum fyrir að koma sínum börnum á keppnisstað og fyrir alla þolinmæðina sem golfinu fylgir.

Gangi ykkur svo vel á Meistaramótinu krakkar!

Æfingar falla niður !

Meistaramót GA 2010 verður alla þessa viku og falla því æfingar niður. Einnig falla æfingar niður fimmtudaginn 15. júlí sem er í næstu viku. Auka æfing verður miðvikudaginn 14. júlí fyrir þá krakka sem hafa misst mikið úr, en það verður auglýst betur þegar nær dregur!

Öllum er frjálst að æfa sig og gott að nota litla völlinn til þess, en hann er alltaf opinn!

Meistaramót GA 2010 Unglingar/Byrjendur

Keppt verður i drengjaflokki 14 ára og yngri - sem spila 18 holur mánudag og þriðjudag. Skráning á www.golf.is Rástímar frá kl. 8.00 á mánudag, ræst  út eftir skori á þriðjudag frá kl. 8.00. Keppt verður í einum stúlknaflokki 14 ára og yngri sem einnig spila 18 holur hvorn dag. Skráning á www.golf.is.

Ennfremur verður keppt í tveimur byrjendaflokkum, þ.e. stúlkna og drengja. Byrjendaflokkur spilar af sér teigum á seinni 9 holunum. Golfkennari raðar niður í ráshópa. Byrjað verður að ræsa út frá kl. 8.15 báða dagana. Mætið tímanlega :)

Seinnipartinn á þriðjudeginum verður svo lokahóf og verðlaunaafhending fyrir alla sem tóku þátt - Grillaðar pylsur í boði Norðlenska og svali í boði Vífilfells.

Þeir foreldrar/aðstandendur sem vilja er frjálst að labba með.

Ekkert þátttökugjald er í mótið.

Norðurlandsmót (2) Sauðárkrókur

Næsta Norðurlandsmót verður á Sauðárkrók, sunnudaginn 4. júlí.

Skráning er á golf.is en þeir sem ekki muna aðganginn sinn þá er hægt að fá aðstoð með það í golfskála.

9 holu mót á miðvikudaginn

9 holu mót fyrir byrjendur verður á miðvikudaginn 30. júní.  Spilað verður á sér teigum.

Mótið byrjar klukkan 8:15 en mæting er klukkan 7:45.

Vakna snemma krakkar!! :o)

Æfingar falla niður

Æfingar falla niður á morgun fimmtudaginn 24. júní vegna Arctic open.

Nettó unglingamót

Innanfélagsmót - Nettó fyrir yngri félagsmenn GA (börn og unglinga sem komin eru með forgjöf) verður 29. júní - Nettó gefur verðlaun fyrir 4 efstu sætin og besta skor ásamt 2 nándarverðlaunum og lengsta teighögg. Dregið verði jafnframt úr 3 skorkortum í mótslok - vinningshafar fá veglega vinninga.

Takið eftir rástímar eru frá kl. 18 - 20 (Nokkurs konar miðnæturmót)

Mótaröð unglinga (3)

GA átti tvo unga kylfinga á mótaröð unglinga sem fram fór að þessu sinni á Strandarvelli á Hellu (GHR) um helgina (19-20 júní) en það voru þeir Ævarr Freyr Birgisson og Tumi Hrafn Kúld.  Þeir kepptu í flokki 14 ára og yngri strákar og enn eru þeir að standa sig frábærlega vel, en Ævarr spilaði á 74 og 79 höggum eða 153 og endaði í 7. sæti sem er glæsilegur árangur!!!  Tumi stóð sig einnig vel en hann spilaði á 84 og 87 höggum eða 171.

Þeir Ævarr og Tumi eiga mikið inni og verður gaman að fylgjast með þeim áfram!

Ég vil benda öðrum ungum kylfingum á að þetta geta allir, verið bara dugleg að æfa!

Fyrirlestur og golfkennsla!

 Heiðar Davíð Bragason verður með fyrirlestur um golf og golfæfingar mánudaginn 21. júní fyrir þau börn og unglinga sem æfa hjá GA

Allir þeir sem eru með forgjöf 32 og lægra og allir strákar fæddir 1996 eiga að mæta kl. 9.00  á mánudagsmorgun

Aðrir mæta kl. 13.00

Óli vill að ALLIR mæti því þessi fyrirlestur og kennsla getur gefið krökkunum mjög mikið

Heiðar Davíð Bragason

Íslandsmeistari 2005.

Tvisvar orðið íslandsmeistari í sveitakeppni.

Stigameistari mótaraðar GSÍ 2003 og 2005.

Fjórum sinnum sigrað á Mótaröð GSí í karlaflokki.

Var fyrstur til þess að sigra einstaklingsmót erlendis í karlaflokki á vegum GSÍ 2004, braut þar með blað í íslenskri golfsögu, með því að sigra á Opna spænska og fylgdi því eftir með sigri á Opna velska sama ár.

Valinn í Evrópuúrval til þess að keppa gegn Stóra Bretlandi og Írlandi 2004.

6.sæti á áhugamannalista Evrópu 2004.

6 sinnum í topp 10 á sterkum áhugamannamótum á erlendri grundu.

Lék erlendis sem atvinnumaður á árunum 2006-2008.

Komst á annað stig úrtökuskóla evrópsku mótaraðarinnar 2006.

Lægsti 18 holu hringur í móti erlendis; sjö undir pari - 2004 og 2006.

Lægsti 18 holu hringur á Íslandi; níu undir pari á Dalvík - 2006.

Lægsta heildarskor í móti erlendis; níu undir pari á fyrsta stigi úrtökuskólans 2006.

Lægsta heildarskor í móti á GSÍ mótaröðinni; átta undir pari í Leirunni 2004.