Þriðja mótið í Norðurlandsmótaröðinni var haldið í Ólafsfirði í dag

97 keppendur voru skráðir til leiks og stóðu krakkarnir í GA sig frábærlega vel og voru klúbbnum okkar til mikils sóma.

Helstu úrlit voru:

Stúlkur 17 - 18 ára

Stefanía Kristín Valgeirsdóttir    GA      78

Brynja Sigurðardóttir              GÓ      85

Vaka Arnþórsdóttir                 GHD     95

 

Drengir 17 - 18 ára

Halldór Guðmundsson                GÓ      78

Sigurður Ingvi Rögnvaldsson      GHD     79

Kristófer Magnússon                NK      96

 

Stúlkur 15 - 16 ára

Jónína Björg Guðmundsdóttir   GHD     83

Sigríður Eygló Unnarsdóttir        GSS     88

Karen Þráinsdóttir                 GR      98

 

Drengir 15 - 16 ára

Björn Auðunn Ólafsson              GA      81

Benedikt Þór Jóhannsson           GH      82

Arnar Geir Hjartarson              GSS     84

 

Stúlkur 14 ára og yngri

Birta Dís Jónsdóttir               GHD     90

Stefanía Elsa Jónsdóttir           GA      93

Aldís Ósk Unnarsdóttir             GSS     93

 

Drengir 14 ára og yngri

Kristján Benedikt Sveinsson       GA      75

Reynir Örn Hannesson               GH      77

Tumi Hrafn Kúld                    GA      77

Arnór Snær Guðmundsson        GHD     77

 

Stúlkur 12 ára og yngri - 9 holur

Ólöf María Einarsdóttir            GHD     51

Magnea  Guðmundsdóttir          GHD     60

Snædís Ósk Aðalsteinsdóttir      GHD     63

 

Strákar 12 ára og yngri - 9 holur

Agnar Daði Kristjánsson            GH      47

Jón Heiðar Sigurðsson              GA      48

Lárus Ingi Antonsson               GA      49

 

Stúlkur  Byrjendur-sérteigar          

Ólöf Marín Hlynsdóttir             GA      47

Sigrún Kjartansdóttir              GA      52

Stefanía Daney Guðmundsdóttir GA      55

 

Strákar  Byrjendur-sérteigar

Ómar Logi Kárason                  GA      48

Þorlákur Már Aðalsteinsson       GA      51

Þorsteinn Örn Friðriksson          GHD     51

 

Til hamingju krakkar :)

Æfingar þriðjudaginn 27 júlí

falla niður vegna unglingamótsins í Ólafsfirði þriðjudaginn 27 júlí. Unglingaráð bið afsökunar á þeim drætti sem varð á tilkynningu þessari.

Norðurlandsmótaröðin

Minnum á 3ja mótið í Norðurlandsmótaröðinni sem fram fer í Ólafsfirði þriðjudaginn 27. júlí. Skráning fer fram á golf.is og það þarf að vera búið að skrá sig fyrir kl. 13.00 sunnudaginn 25. júlí.

                                                    Unglingaráð

Vestmannaeyjafarar komnir heim

Krakkarnir sem fóru til Vestmannaeyja voru að skila sér heim. Þau stóðu sig öll vel og voru GA til mikils sóma. Lokastaðan eftir 3 hringi:

Björn Auðunn           236 högg

Stefanía Kristín        292 högg

Ævarr Freyr              251 högg

Kristján Benedikt     259 högg

Tumi Hrafn               261 högg

Óskar Jóel               273 högg

Kjartan Atli              273 högg

Eyþór Hrafnar          278 högg

Stefán Einar            282 högg

Aðalsteinn               290 högg

Víðir                         307 högg

Stefanía Elsa           296 högg

Guðrún Karitas        315 högg

Hér eru svo sannarlega framtíðarkylfingar  á ferð. Bloggin voru stutt í Eyjum því að við þurftum að fara í annað hús til að komast í netsamband. Myndir koma vonandi inn fljótlega.

Vestmannaeyjar dagur 2

Veðrið hefur leikið við okkur í dag. Lognið í dag var jafn mikið og rokið í gær en skorið breyttist lítið. Sjáum ekki íslandsmeistaratitil í hendi okkar en allir skemmta sér vel þó stutt hafi verið í tárin á köflum. Nýr dagur á morgun og allir stefna á góða skapið og góða spilið. Áætluð lending á Akureyri er um kl 20.00 annað kvöld.

Fyrstu fréttir úr Vestmannaeyjum

Allt hefur gengið vel. Fórum æfingahring á fimmtudegi, urðum fyrir einu slysi þar sem einn okkar tók á móti upphafshöggi með höfðinu. Kostaði ferð á slysó en harðjaxlinn hrinsti þetta af sér og spilaði sinn fyrsta hring í mótinu í dag.

Allir stóðu sig vel miðað við að skilyrði á köflum voru virkilega krefjandi í hávaðaroki og ekki auðvelt að ná góðu skori í dag. Löggilda svarið hjá öllum í dag við spurningunni hvernig gekk þér var " illa " Á heildina litið getum við verið verulega stollt af okkar fólki :)

Tékklisti fyrir Íslandsmeistaramót 2010

Tékklisti fyrir Íslandsmeistaramót 2010 Til að ná góðum árangri á golfhringnum er undirbúningur mikilvægur. Hér að neðan eru atriði sem nauðsynlegt er að hafa í huga fyrir golfhringinn jafnt í keppni sem æfingu:    

 

• Golfsett  mikilvægt að kylfur séu hreinar      
• Teldu kylfurnar í pokanum, hámark eru fjórtán kylfur. Gott er að hver kylfa hafi sinn stað í pokanum þannig að þú vitir ávallt hvar kylfan er sem  þú ætlar að nota.     
• Hafðu alltaf nóg af golfkúlum í pokanum og túss til að merkja þær.
• Tí  passa að hafa nógu mikið
• Blýanta, flatarmerki og flatargafal til viðgerða á kúluförum á flöt    
•   Handklæði,  húfa, lúffur, regnbuxur og regnjakki hreinir golfskór , golfhanska fyrir þá sem það nota
•  Regnhlíf og regnplast yfir golfpokann sé það til       
• Hælsærisplástra        

 

Kynntu þér staðarreglur vallar mjög vel  Fylgdust með hvernær þú átt teig og mættu tímalega. Mikilvægt er að fá góðan nætursvefn svo þú haldir góðri einbeitingu allann hringinn átta stundir að lágmarki. Eins er mikilvægt að fá næringu eins og samlokur, ávexti eða orkustöng. Ekki gleyma að hafa meðferðis eitthvað að drekka, vatn eða íþróttadrykki eins og gatorate, powerade eða aquarius. Að leik loknum er mikilvægt  að ganga strax frá skorkortum og fara vel yfir þau. Skorkort skulu vera vel læsileg. Undirritið kortin ekki fyrr en þið eruð örugg um að þau séu rétt.  Að lokum er mikilvægt að muna að þó við keppum sem einstaklingar erum í leiðinni að keppa undir merkjum GA og því fylgir ábyrgð. Verum klúbb okkar því ávalt til sóma jafnt innan vallar sem utan .  Annað sem þarf að hafa með        

 

• Almennur fatnaður sem hægt er að spila golf í (Ekki galla- né joggingbuxur á meðan á keppni stendur)
•  Sundföt og handklæði     
• Tannbursti og tannkrem, sjampó og aðra þá snyrtivörur sem þið notið        
• 5- 8 sokkapör, nærföt og hlý undirföt ,   góð peysa (flís) sem hægt er að spila í,  langerma eða rúllukraga bolur/peysa til að vera í undir bol ,       náttbuxur eða annan inni klæðnað þegar heim er komið,  gsm og annar slíkur varningur er leyfður en er algerlega á ábyrgð ykkrar sjálfra. Slökkt skal vera á síma meðan menn eru á vellinum.        
• Afþreyingarefni, gott er að grípa með sér bók, blað eða hvað það sem þið hafið áhuga á fyrir svefninn       Ofnæmislyf,  ef þið teljið ykkur þurfa        
• Góða skapið 
• Mjög mikilvægt að merkja vel alla hluti með nafni, félagi og síma. 

 

 Góða skemmtun og gangi ykkur vel J    

Íslandsmót í höggleik

Um næstu helgi mun fara fram íslandsmót unglinga í höggleik í Vestmannaeyjum.

Hámark 144 keppendur geta tekið þátt í Íslandsmóti unglinga í höggleik sem skiptist niður í þrjá aldursflokka. Í hverjum aldursflokki verða hámark 48 keppendur þar af verða 36 strákar og 12 stelpur. Ef fjöldi skráðra keppenda fer yfir hámark í hverjum flokki ræður forgjöf því hverjir komast inn í hvern flokk fyrir sig. Þ.e.a.s 36 forgjafarlægstu strákarnir og 12 forgjafar lægstu stelpurnar í þeim flokki komast í mótið. Standi val á milli keppenda með jafnháa forgjöf skal hlutkesti ráða. Ef ekki næst hámarksfjöldi í einhvern ákveðin flokk má einungis bæta við keppendum í sama aldursflokk. Þátttökurétt öðlast erlendir kylfingar ekki fyrr en eftir a.m.k. þriggja ára samfellda búsetu hérlendis.

Keppnin til að komast inn í mótið er orðin mjög hörð. Á síðasta ári komust drengir inn með 22 í forgjöf. Í ár þurfa þeir að vera komnir í 17,5 til að komast inn. Af 55 strákum 14 ára og yngri sem sóttust eftir að komast í mótið, komast aðeins 36. GA á 8 stráka í þessum flokki. Af 12 stúlkum 14 ára og yngri, eigum við 2 og svo er einn í flokki 15-16 ára og ein stúlka í 17 -18 ára.GA á því að þessu sinni 12 ungmenni sem eru komin með það lága forgjöf að þau komast inn í þetta mót, 3 stúlkur og 9 drengi.

Gangi ykkur vel krakkar – klúbburinn er stoltur af ykkur !

Meistaramót GA - unglingar/byrjendur

Meistaramót GA var haldið dagana 5. og 6. júlí og voru margir krakkar skráðir til leiks. 

Veðrið var ekki alveg með okkur þessa daga en það var ansi kalt og völlurinn blautur og erfiður fyrir marga.  Krakkarnir létu veðrið þó ekki stöðva sig og spiluðu eins og þeim einum er lagið og stóðu þau sig öll vel.  

Í strákaflokkunum var spennan gífurleg en í báðum flokkunum þurfti að hafa bráðabana til að skera úr um hver yrði í hvaða verðlaunasæti.  Í flokki 14 ára og yngri stráka þurftu Kristján Benedikt Sveinsson og Stefán Einar Sigmundsson að berjast um þriðja sætið í bráðabana og hafði Kristján betur.  Í byrjendaflokki stráka var spennan heldur meiri því Hafsteinn Ísar Júlíusson, Gunnar Konráð Finnsson og Lárus Ingi Antonsson voru allir jafnir á toppnum með 95 högg, allir spiluðu á 50 höggum fyrri daginn og 45 höggum þann seinni, það var Gunnar Konráð sem stóð uppi sem sigurvegari eftir bráðabana, svaka keppnismenn þar á ferð!!!

Úrslit:

Byrjendur stúlkur:

1. Harpa Jóhannsdóttir  101

2. Stefanía Daney Guðmundsdóttir  116

3. Bára Alexandersdóttir  122

Næst holu á 18. braut, Indíra Jónasdóttir 7.66m

Byrjendur strákar:

1. Gunnar Konráð Finnsson  95

2. Hafsteinn Ísar Júlíusson  95

3. Lárus Ingi Antonsson  95

Næst holu á 18. braut, Ómar Logi Kárason 6.63m

Stúlkur 14 ára og yngri:

1. Stefanía Elsa Jónsdóttir  183

2. Guðrún Karítas Finnsdóttir  197

Næst holu á 18. braut, Stefanía Elsa 13m

Strákar 14 ára og yngri:

1. Tumi Hrafn Kúld  162

2. Ævarr Freyr Birgisson  167

3. Kristján Benedikt Sveinsson  168

Næstur holu á 18. braut, Ævarr Freyr Birgisson 6.80m

Til hamingju krakkar!!!

 

Einhverf stúlka sigraði í sínu fyrsta golfmóti..

Hans Guðmundsson skrifar þann 05.07 2010 - frá iGolf

 

Stefanía Daney Guðmundsdóttir GA, sem er 12 ára gömul, sigraði á Nýprent Open, sem er hluti af Norðurlandsmótaröðinni í byrjendaflokki stúlkna. Það mun kannski ekki alltaf þykja mikil frétt að 12 ára stúlka sigri á byrjendamóti, nema hvað Stefanía Daney er greind með ódæmigerða einhverfu og er að auki blind á hægra auga.

Og það er ekki búið. Hún fékk áhuga á golfi í síðustu viku og var í fyrsta skipti á golfvelli þegar hún var að leika á mótinu. Þá gerði hún sér lítið fyrir og fékk fugl á annarri braut, sem sagt annarri brautinni sem hún hafði þá aldrei nokkru sinnum leikið. Hún vippaði í holu fyrir utan flöt. Hún fékk að auki eitt par í mótinu.

Hún lék á 54 höggum, en leiknar voru 9 holur og verður það að teljast frábært skor af svo ungri stúlku. Í dag er hún á leið í Meistaramótið hjá GA.

iGolf óskar henni til hamingju með sigurinn á Sauðárkróki og góðs gengis á Meistaramótinu.

Vil taka það fram að hún Stefanía Daney byrjaði að fara á golfæfingar síðasta sumar en hefur ekki stundað þær reglulega, hins vegar þá ákvað hún í síðustu viku að stunda golfið af krafti og er dugleg að æfa núna en Óli Gylfa hefur greinilega komið einhverjum töfra-orðum inn í hausinn á henni sem fékk hana á einum klukkutíma til að hugsa ekki um annað en golf.